Došli su

Došli su. Večeras. Zajedno sa ovom kišom. Obilaze naš grad od ulice do ulice. Od doma do doma. Demoni poslati iz nekog drugog svijeta da iz ljudi "usisaju" ono što u njima valja. Ono u njima vrijedno. Tumaraju od vrata do vrata. Ulaze u kuće i stanove. Ne primijećujete ih. Ne primijećuje ih niko. 
Došli su. Večeras. Zajedno sa ovom kišom. Ali su se vratili prije nego je ona prestala. Sa sobom nijesu odnijeli ništa. Jer nijesu našli u ljudima ništa da valja. Ništa vrijedno da bi ponijeli u svoj svijet. 
Otišli su. Razočarani. I vjerovatno se nikad' više neće vratiti.